Published On: Tue, Aug 21st, 2012

चेपाङलाई आत्मनिर्भरतर्फ उन्मुख अभियान

 

मकावानपुर, भदौ ५ । मकवानपुर जिल्लाको पश्चिम भेगका विभिन्न ओडारमा अहिले पनि आश्रय लिई बसेका ७० चेपाङ परिवारलाई जिविस तथा जिल्ला कृषि विकास कार्यालय मकवानपुरले नियमित आर्थिक आत्मनिर्भरतर्फ उन्मुख हुन अभिप्रेरित गरेको छ ।

ती चेपाङ परिवारलाई जङ्गल नजिक रहेको भिर, पाखा जग्गामा उन्नत जातको केरा, अम्रिसो, मौसमी तरकारी एवम् चिउरीको बिरुवा लगाउने अभियान सञ्चालन गरिएको मकवानपुर जिविसले जनाएको छ । जिविसले गत आव २०६८/०६९ को अवधिमा रु तीन लाख ८० हजार अनुदान उपलब्ध गराई तरकारी, केरा, अम्रिसो, चिउरीको बिरुवा ती चेपाङ परिवारलाई वितरण गरेको थियो ।

यसैगरी जिल्ला कृषि विकास कार्यालयबाट गत आवमा रु एक लाख ५० हजारको लागतमा केराको बिरुवा चेपाङलाई वितरण गरी  रोप्न लगाइएको जनाएको छ । साथै ती चेपाङ समुदायको ५० जना अगुवा  कृषकलाई चिउरी तथा मौसमी तरकारी र केराखेती लगाउने विषयमा स्थानीय मनहरि गाविसको ज्यामिरेमा पाँचदिने अनुशिक्षण कक्षा सञ्चालन गरिएको  कृषि विकास कार्यालय मकवानपुरले जनाएको छ । 

Published On 611 days ago
advertisement

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

advertisement advertisement advertisement advertisement advertisement advertisement advertisement advertisement advertisement